主頁 菲律賓 出走.菲律賓 離馬尼拉最近的島仔|波塞羅拉PUERTO GALERA
出走.菲律賓 離馬尼拉最近的島仔|波塞羅拉PUERTO GALERA 遊記

好多人都以為菲律賓好危險而選擇唔去呢個地方你就會因為咁而錯過無數既美景;

無論上山定係落海菲律賓都有令你想像不到的美,Puerto Galera (PG)亦叫海豚灣或波塞羅拉,係明多羅島東部的港灣,距離菲律賓首都馬尼拉只有150公里(約5小時);當地有大概40個潛點,而潛點的船程基本20-30分鐘會到達,水底仲有好多野睇,海兔的種類已經有超過150種,仲有各種獅子魚,麒麟魚,大型的軟珊瑚,魔鬼魚和礁鯊等等。如果你有潛水癮,又無時間去遠既地方潛水同玩水上活動,呢個地方絕對滿足到你。
30-7-2018  to  3-8-2018
上完Buscalan 搵山上婆婆紋身後,由於太懶的關係都無預訂任何旅館;當日由下午12點下山後,坐車由菲律賓的北面到南面,坐車已經用了九小時,中途到Benguet 的Highest Point 、士多啤梨園買手信、餐飲,直至零晨的12點才到達Manila (Quazon City),由於太夜,亦都唔想再特登搵酒店訓一陣先出發去Puerto Galera;
P.S. 三日入面只沖左一次涼包括行山出左一公升汗同沿途沙塵滾滾係污糟啊正(唔理解自己點可以接受到的)

  

完左Tour 後,係Quazon City 坐Grab 到Bus Terminal,中間個司機去左錯站,我揀左第二個方法,就係坐電單車!坐左5分鐘就即刻落大雨,我同個司機就等停雨吹下水先再繼續,到左車站(已經零晨兩點) ,原本巴士一個人都無,司機好好咁播電影比我睇,點知字幕係韓文(之後我先明白佢應該以為我係韓國人哈),就咁訓左兩個鐘,大約5點到Batangas 碼頭,買完飛,等到六點鐘開船去港口,朝早7點半到。
* 港口入去Sabang 有一段距離,你可以選擇坐三輪車,價錢:200Peso (要講價)

  

由於我都真係好懶,我連係PG 的住宿都無訂到yeahh,所以我決定搵番我上年去個一間到住,7-8月係PG既Non-season,所以較少旅客,住既地方都會相對平。
」 Bellevue 「係Sabang Hill Hotel 既附近,係網上面都搵唔到酒店,但個到好係全部一間屋仔,好少人,空氣清新,可以睇到日落,夠哂高!(因為要行一段樓梯先上到去哈哈,佢地話好辛苦喎,但我說覺得值既)  ;好彩個Owner 仲認得我,算佢啦哈,今次佢比我住1000Peso ($150)/ 晚,我總共住左三晚。

本來有些相熟的香港潛水教練係PG到教(上次PG識的),見今次PG無咩人,就同佢地玩下啦;係無真正訓過教既情況下,係Hostel 即刻沖左個快涼,再清一清腸胃,就即刻去Garden of Eden 搵香港教練玩,幫佢手帶一個浮潛團;個團接近20人,11點就一齊坐船出去(Beach and Bay)一個可以曬太陽、BBQ、玩沙排、玩香蕉船、wakeboard等既地方,非常適合一家大細,因未必個個都會想去浮潛,其他人就可以試玩其他水上活動;

完了今天的浮潛活動後,如果本身團多人的話,可以直接包一架Jeep 由Beach and Bay 回到Sabang Beach;去的時候就坐螃蟹船到,但由於4、5點的時間開始會大風大浪,坐車回去會比較安全,車程亦都係15-20分鐘;  當我一聽到係包了一架Jeep,二話不說就拉了教練去坐Jeep的車頂哈,一直都好想試下坐上去,終於搵到人陪我試!(如果你有見過菲律賓人點樣坐滿一架車,你都會好想試下坐)然後坐既時候,因為車頂都比較高,而菲律賓的樹同電綫都偏矮,成程車都要避過呢啲障礙,好似玩緊零零七咁;想像唔到當車頂坐滿人既時候,佢地係點樣避開哈

 

回Hostel 梳洗後,時間剛剛好係日落既時間啊,我地由Sabang Beach 行去Big La Laguna,只要一直望住海向島的左走,就會到達;個到有最佳睇日落的位置,你會忍唔住每隔五秒就驚嘆一次,個日落真係好靚呀!
之後就同教練們去食PG 一間出名的韓國鋪頭,係十字路口往酒吧方面,路口轉左再上兩層樓就會到;無論你有幾多人,叫幾多食物,佢都會一次過比勁多勁多小食你,應該有十碟,食完唔夠仲可以Refill,好似主菜未黎就已經飽了,完全適合你同我呢啲咁大食既人啊!

 

 ** Puerto Galera 出名多中國人,第二多就係韓國人;我個人認為我係呢到遇過既中國人都係非常好,佢地會好熱情招待我,都會邀請我周圍去玩;韓國人就甚少接觸到,因為佢地都會去主要幾間的韓國潛店潛水;
 
 
 
 
 














– TIPS for going to Puerto Galera –

如何由馬尼拉Manila (機場)去Puerto Galera 呢?

有兩種方法的
A :包車、船直接到PG島(建議有5人或以上)
        價錢:大約6500- 8000peso (包車+船)如7-10人   人均:$130 – $180
        愈多人夾既錢就愈平
 大部分包車/船都係直接搵你聯繫個間潛店,或你有相熟的人都可以幫手預訂
好處:直接由機場可以直接到碼頭唔需要轉車或叫車亦都唔需要同其他人迫

B:  自己坐巴士及公船
(如果咁不幸你同我一樣都係鐘意自己去旅行既你可以揀以下既方法去PG島哈哈)

若怕麻煩可以直接打的士(黃色)到Buendia Ave Bus Terminal (建議坐Jam Liner,走高速比普通公路車快)的士價錢:約300Peso ( by meter)
* 想平一點,可以Call GRAB (like Uber),而家菲律賓更常用的App ,價錢約200Peso
坐Jam Liner 由總站搭到總站(Batangas Pier),車程大約兩小時,巴士價錢:167Peso
公船:注意一去到碼頭入去,一去到會有好多Local叫你快啲買飛,但係唔好跟住佢地,只要跟大隊就可以喇,如果唔係可能會比佢地問你攞TIPS;
Batangas > Sabang Beach  價錢:230Peso +30Peso (碼頭費)+  到達後,會再收旅客50peso 的環境稅
最早一班船:5:45AM  最遲:約4點
( 如果你12點後才抵達馬尼拉,怕趕不到船,建議你住一晚,第二日才出發至PG島)

* 即是如果 由Manila 去  PG 需約750Peso =約$ 110
所以其實包車包船同自己去都係差唔多價錢架,一大班人去的話記得包車包船啊~~


-Love Philippines, and hope people do as well-
Maryunga Tsui

 

/
評分
(0)
分享至
FacebookTwitterWhatsAppPinterest

發表回覆